Белгілі физик-теоретик Стивен Хокинг адамзат жаһандық апаттан аман қалмайтынын, сондықтан алдағы жүз жылда жаңа ғаламшарға көшу керектігін айтты, деп жазады cnbc.com басылымы.
Мұның егжей-тегжейі BBC арнасында жазда шығатын "Стивен Хокинг: Жаңа Жерге экспедиция" атты деректі фильмде көрсетіледі.
Осының алдында Хокинг уақыт өткен сайын жаһандық апаттың болу мүмкіндігі артып келе жатқанын айтқан еді. Ғалым апат алдағы 1000-10000 жылда болады деп болжады. Мұнан қашып құтылудың жолы басқа ғаламшарларға көшу екенін айтады физик.
Ғалымның пікірнше, адамзат үшін негізгі қауіптер: Жерге астеройдтардың құлауы, климаттың өзгеруі мен Жер бетіндегі адамзат санының шектен тыс артуы. Бұл қауіптер қатарына ядролық соғыс, жаһандық жылыну, генетикалық модефикацияланған вирустар мен жасанды интелект те жатқызылған болатын.