Қарағанды қаласында «Ақ жол» Қазақстан демократиялық партиясының басшысы Азат Перуашевтің төрағалығымен партияның кезектен тыс облыстық конференциясы болып өтті. Шараға Жаңаарқа, Қарқаралы, Осакаров, Шет, Ақтоғай аудандарынан, Жезқазған, Балқаш, Сәтбаев, Саран қалаларынан сайланған 65 делегат қатысты.
Атап айту керек, бұл партияның аймақтарда жүргізген алғашқы басқосуы болды. Шараның күн тәртібінде ағымдағы мәселелермен қатар, ұйымдық мәселелер де қаралды. Қарағанды облысына белгілі азамат Жомарт Алдоңғаровты делегаттар бірауыздан облыстық филиалды басқаруға лайық деп тапты. Ол әріптестерінің сенім білдіргеніне алғыс айта отырып, филиал жұмысын қандай бағытта құратындығын баяндады.
«Егемен-ақпарат».