Кеше Үкімет үйінде Премьер-Министр Бақытжан Сағынтаевтың төрағалығымен Қазақстан Республикасының экономикасын жаңғырту жөніндегі мемлекеттік комиссияның кезекті отырысы өтті.
Отырыс барысында квазимемлекеттік сектор нысандарын жекешелендіру үдерісінің ағымдағы жағдайы бойынша, еліміздегі базалық индустриаландыру, қорғаныс өнеркәсібі, көлік және логистиканы, агроөнеркәсіптік және отын-энергетикалық кешендерді дамыту салаларындағы тұрақты экономикалық өсімді қамтамасыз ету мәселелері талқыланды, деп хабарлады Премьер-Министрдің баспасөз қызметі.