Өзбекстан Президенті Шавкат Мирзиеевтің Қытайға жасаған бірінші ресми сапары барысында екі мемлекет құны 22 млрд доллардан асатын 105 құжатқа қол қойды. Бұл туралы Өзбекстанның мемлекеттік инвестициялар комитетінің төрағасы Азим Ахмедхаджаев хабарлады, деп жазады uzdaily.uz.
Төрағаның айтуынша, екі мемлекет энергетика, ауыл шаруашылығы, мұнай-газ, химия, көлік инфрақұрылымы салалары бойынша серіктестік орнатты. Сонымен қатар Қытайдың іскерлік топтары Өзбекстанның сауда-экономикалық және инвестициялық дамуына қызығушылық танытты.