Жалпы отырыстың күн тәртібі нақтыланды

Осыған орай депутаттар алдағы сәр­сен­біде «Қазақстан Республикасының кейбір заң­намалық актілеріне денсаулық сақ­тау мәселелері бойынша өз­ге­рістер мен толық­тырулар ен­гізу туралы» заң жобасын екін­ші оқылымда талқылайды деп күтілуде. Сонымен қатар, осы отырыста әлеуметтік қам­сыз­дандыру мәселелері бойынша өзгерістер мен толықтырулар бойынша заң жобасы да талқы­ланатын болады.  Сондай-ақ, жалпы отырыс­та Мә­жіліс «2012 жылғы 11 ма­мыр­дағы Қазақстан Рес­пуб­­ли­ка­сының Үкіметі мен Қыр­ғыз Респуб­ли­­касының Үкі­ме­ті арасындағы Қазақ­стан Рес­­­пуб­ликасы азаматтарының Қыр­ғыз Рес­пуб­ликасының аума­ғында және Қырғыз Рес­пуб­­ликасы азаматтарының Қазақ­стан Рес­пуб­ликасының аума­ғында болу тәртібі туралы ке­лісімге өзгерістер мен толық­тырулар енгізу туралы хатта­маны ратификациялау тура­лы» және де «Қазақстан Респуб­ликасының Үкіметі мен Қыр­ғыз Республикасының Үкіметі ара­сындағы еуразиялық эконо­микалық интеграция жағдайында экономикалық ынтымақ­тастықты дамыту туралы ке­лісімді ратификациялау туралы» заң жобаларын қарастырады.  Үкімет пен Республикалық бюджеттің ат­қа­рылуын бақылау жөніндегі есеп коми­тетінің 2016 жылғы республикалық бюджеттің атқарылуы туралы есептері мен Мемлекеттік аудит және қаржылық бақылау туралы, Қару саудасы туралы шартты ратификациялау туралы заң жобалары қорытынды әзірлеуге алынады. Сондай-ақ, бюро отырысында палатаның Экономикалық реформа және өңірлік даму комитетінің Батыс Қазақстан облысында көшпелі отырысын (2017 жылғы 25-27 мамыр) өткізу туралы мәселе де талқыланды.