Өзара серіктестіктің келешегі зор

Ерлан Ыдырысов Қазақстанның Халық­ара­лық теңіз ұйымымен ынтымақтастықты да­мытуға зор мән беретіндігін атап өтті. Елші Кас­пий теңізінің құқықтық мәртебесі бойынша жүргізіліп жатқан келіссөздер, Қазақстан порт­тарының даму перспективалары және Ка­спий маңы мемлекеттерінің түрлі саладағы қарым-қатынастары жөнінде сөз қозғады. Сонымен бірге, Е.Ыдырысов ХТҰ Бас хат­шысын Қазақстанның экономикалық да­муы­мен және оның аймақтық рөлімен таныс­тырып, ел Үкіметінің ұлттық стандарттарды ха­лықаралық талаптарға сәйкестендіру бой­ын­ша мақсатты жұмыс жүргізіп жат­қан­дығын айтып, оған еліміздің 2017 жылғы ақ­панда ХТҰ-ның міндетті аудитінен сәтті өту­іне жәрдем көрсеткені үшін алғысын білдірді. Өз кезегінде, Китак Лим Қазақстанның Ха­лық­аралық теңіз ұйымымен ынты­мақ­тас­тық­ты дамытуға деген ұмтылысын жоғары ба­ғ­а­лап, ХТҰ-ның Қазақстан тарапына қа­жет­ті қол­дау көрсетуге тырысатындығын атап өтті. Ол, сондай-ақ, ХТҰ-ның Қазақ­стан­­­­ға және Каспий өңірінің басқа да мем­ле­­кеттеріне өзінің мандаты аясында тех­ни­калық жәрдем көрсетуге дайын екен­ді­гін мә­лімдеді. Кездесу соңында Е.Ыдырысов Қазақстан де­ле­­гацияларының ХТҰ-ның басшылық жә­не мамандандырылған органдарының жұ­мыс­­тарына, атап айтқанда, осы жылғы қ­а­ра­ша-желтоқсан айларында өтетін ХТҰ-ның ХХХ Ассамблеясына белсенді қатысуының ма­ңы­здылығына тоқталды. Айта кетейік, Халықаралық теңіз ұй­ы­мы – халықаралық сауда кемелері қа­ты­нас­ын­да техникалық мәселелер бойынша ын­ты­мақ­тас­тық және ақпарат алмасу жөнін­де­гі БҰҰ-ның мамандандырылған мекемесі болып та­бы­латын халықаралық үкіметаралық ұйым. Біз­дің еліміз Халықаралық теңіз ұйымына 1994 жылдан бері мүше.