Ақтөбе облысының әкімі Бердібек Сапарбаев «Ақтөбе» ФК бас бапкерлігіне Владимир Мухановтың кандидатурасын бекітті, деп хабарлады kazfootball.kz.
19 мамырдан бастап Владимир Муханов ресми түрде лауазымына кіріседі.
Айта кетейік, Владимир Муханов 2006-2012 жылдардағы маусымдарда «Ақтөбені» жаттықтырды. Осы кезеңде клуб үш мәрте ел чемпионы болды. Одан кейін Ресейде «Факель» және «Химки» ұжымдарында қызмет еткен. 2014 жылдан бастап көкшетаулық «Оқжетпесті» жаттықтырды.