Одақтың цифрлы күн тәртібі талқыланды

Кеңес отырысы ЕАЭО-ға мүше елдер ақпарат министр­лері­нің қаты­суымен өтті. Қазақ­станнан Ақпарат және ком­муникациялар министрі Дәурен Абаев қатысып, сөз сөйледі.  ЕЭК Кеңесі отырысының барысында бірқатар көкейкесті мәселелер, атап айтқанда, 2025 жылға дейін Еуразиялық экономикалық одақтың цифрлы күн тәртібін жүзеге асыру шеңберіндегі бастамалар бойынша ұсыныстар қаралды.  ЕАЭО-ның цифрлы күн тәр­тібін қалыптастыру мүше мемлекеттердің, шаруа­шы­лық жүргізуші субъектілер мен азаматтардың ашық, кең және тең құқылы ынты­мақ­тастығына, әрбір мүше мем­лекеттің экономикасы өсімінің тиімділігі мен көлеміне, ЕАЭО-ның экономикалық, технологиялық және әлеуметтік дамудың жаңа деңгейіне өтуіне, сондай-ақ, жаһандық цифрлы күн тәртібін қалыптастырудағы ЕАЭО-ның рөлін нығайтуға ықпал ететін болады. Отырыс барысында, сондай-ақ, ЕурАзЭҚ-тың ішкі рыно­гын­дағы кедергілерді жою мәселе­лері қаралып, ЕурАзЭҚ-тың ішкі рыногындағы бірқатар кедергілерді жою бойынша «жол картасы» қолдау тапты. Оның сыртында 2016 жылы ЕЭК шешімдері жобаларының реттеуші ықпалын бағалаудың нәтижелері туралы есеп тыңдалды.  Осы іс-шаралар кешенін жүзеге асыру тауарларды Қазақстаннан ЕурАзЭҚ елдерінің рыногына жеткізуді қамтамасыз етіп, шағын және орта бизнес үшін қолайлы жағдайлар туғызады.  Тиісті мәселені үстіміздегі жылдың 26 мамырында ЕурАзЭҚ-қа мүше мемлекеттер Үкіметтері басшыларының қарауына енгізу жос­парланып отыр.  Кеңес мүшелері, сондай-ақ, тауарларды ЕурАзЭҚ-тың идентификациялау құралдарымен, сондай-ақ, ЕурАзЭҚ-тың Кеден кодексінде қа­ралған ЕЭК актілерімен таңбалау жү­йе­сін дамыту мәселесін талқы­лады.  Таңбалау жүйесін енгізу бола­шақ­та көлеңкелі экономика мен кон­тр­а­фактілі өнімдер айналымын қыс­қартуға жағдай жасайтын болады.  Комиссия Кеңесі ЕурАзЭҚ шең­беріндегі балалардың ойын алаң­дарындағы бірегей қауіпсіздік талаптарын белгілейтін техникалық регламентті қабылдады. Техни­калық регламент ол қабылданғаннан кейін 18 айдан соң күшіне енетін болады.  Оның сыртында ветеринарлық бақылау саласы, кедендік-тарифтік реттеу мәселелері бойынша ше­шім­дер қабылданды.  Бүтіндей алғанда, бүкіл қаралған мәселелер бойынша ЕурАзЭҚ-ты одан әрі дамытуға бағытталған өзара тиімді шешімдерге қол жеткізудің сәті түсті.