Орталық коммуникациялар қызметінде Қазақстан Республикасының агроөнеркәсіптік кешенін дамытудың 2017-2021 жылдарға арналған мемлекеттік бағдарламасы аясында 610 мың га суармалы жерді айналымға енгізу мен жер қатынастарын жетілдіруге арналған баспасөз мәслихаты өтті.
Оған Ауыл шаруашылығы министрлігі Су ресурстары комитетінің төрағасы Ислам Әбішев пен «Қазсушар» РМК директорының орынбасары Эрик Якубаев қатысты.
Алдағы 5 жылда 610 мың га аумақтағы тұрақты суарылатын жердің ирригациялық жүйесін қалпына келтіру жоспарлануда. Атап айтқанда, Алматы облысында – 127 мың га, ОҚО – 99 мың га, ШҚО-да – 92 мың га, Жамбыл облысында – 86 мың га, БҚО-да – 40 мың га, Павлодар облысында – 30 мың га, Ақтөбе облысында – 29 мың га, Қызылорда облысында – 29 мың га, Қарағанды облысында – 28 мың га, СҚО-да – 28 мың га және Атырау облысынд 22 мың га, деп хабарлады Ислам Әбішев.
Сонымен бірге, оның айтуынша, мемлекеттік бағдарлама аясында 368 мың га аумақтағы көлдетіп суару жерін қалпына келтіру жоспарланып отыр. Бұдан басқа, ескірген коллекторлық-дренаждық желілер қалпына келтірілмекші. Оның жалпы ұзындығы 13,2 мың шақырымды құрайтын болады.
Дастан КЕНЖАЛИН,
«Егемен Қазақстан»