10 желтоқсанда Венада өтетін ОПЕК пен оған кірмейтін елдердің кездесуінен кейін мұнай қымбаттауы мүмкін, деп хабарлайды Қазақпарат Энергетика министрі Қанат Бозымбаевтың сөзіне сілтеме жасап.
"Қазақстан ОПЕК-тің мұнай бағасын көтеру үшін өндірісті азайту туралы бастамасын қолдайды. Өздеріңізге белгілі, ОПЕК өндірісті 3-4 пайызға азайтуға келісті. Осының нәтижесінде баға 17 пайызға дейін көтерілуі мүмкін. Егер ертеңгі кездесуде ортақ келісімге келе алатын болса, мұнай нарығындағы елдер мен компаниялар үшін өте жағымды жаңалық болар еді", - дейді министр.
Сонымен қатар Бозымбаев өндірісті азайтудың біздің экономикаға ешқандай зиян бермейтінін айтты.