Ұйымдастырылған «Ұлы дала ұрпағымыз» атты флешмобты Талдықорғандағы Назарбаев зияткерлік мектебінің оқушылары Тәуелсіздіктің 25 жылдығына жасаған ерекше тартуымыз дейді. Олар күмбірлетіп күй шертіп, патриоттық əндерді əуелетіп шырқады. Ерекше қойылым қаладағы ойын-сауық кешеннің бірінде өтті. Жергілікті тұрғындардың аталған шараға ықыластары ерекше болды. Тамашалауға лег-легімен ағылды. Олардың назарына 100 -ден аса оқушы «Балбырауын» мен «Сарыарқа» күйлерін орындады.
Айта кетейік, еліміздің барлық облыс орталықтары мен қалаларындағы Назарбаев Зияткерлік мектептерінің оқушылары «Біз - Ұлы дала ұрпағымыз» атты флешмобты бір мезетте ұйымдастырды.