2017 жылдан бастап Астананың балабақшаларына жолдамалар www.e.astana.kz порталы арқылы электрондық түрде берілетін болады. Бұл ашықтықты қамтамасыз етіп, ата-аналарға үйлерінен шықпай-ақ жолдама алуға мүмкіндік береді.
Қазіргі уақытта жүйе пилоттық режімде жұмыс істеп жатыр. Сонымен қатар, мемлекеттік тапсырысы бар жекеменшік балабақшаларға жолдамалар берілуде. Мемлекеттік балабақшаларға жолдамалар беруге қатысты ата-аналардың байланыс мәліметтер базасын өзектендіру мәселесі пысықталып жатыр.
Ал орындарды үлестіру ересек топтарды мектепке шығарып салған соң жыл сайын жүргізілетін болады.