«Қазпочта» АҚ Қазақстан Республикасы Тәуелсіздігінің 25 жылдығына арнайы шығарылған «Мәңгілік Ел» маркасының пошталық айналымға енгізілгенін хабарлайды.
Марканың басылымы төрт бояулы, офсетті баспа, перфорациясы жоталы. Шығарылым түрі – 20 маркадан тұратын маркалы парақ. Парақтық өлшемі 168 х 200 мм, әрбір марканың өлшемі 28 х 40 мм., Пошталық марканың белгіленген бағасы 100 теңге. Таралымы 7500 дана. УФ – бояулы қорғанысы бар элементтер қолданған. Пошталық марка «Қазақстан Республикасы Ұлттық банкінің Банкнот Фабрикасы» Республикалық мемлекеттік кәсіпорнында басып шығарылды.