БҰҰ Сирия бойынша келіссөздердің Астанада өтуін қолдайды, деп хабарлайды РИА Новости БҰҰ-ның Сирия бойынша арнайы елшісі Стаффан де Мистураға сілтеме жасап.
"Мақсат - Сириядағы саяси жағдайды реттеу. Бірақ оған қалай қол жеткізуге болатынын әлі де қарастыру керек. Сондықтан біз Астанада осы бағытта келіссөздер өткізу туралы бастаманы қолдаймыз", деді ол.
Естеріңізге сала кетсек, осыған дейін Қазақстан президенті Нұрсұлтан Назарбаев Сириядағы қақтығысушы тараптардың келіссөздерін Астанада өткізуге келісім берген болатын.