Сағат циферблатының диаметрі – 17 метр. Жарық диодтар түнде әдемі композицияны құрайды.
«Сағатқа нақты уақытта көрсететін механизм орнатылған, Есіл өзенінің жағалауындағы жаңажылдық отшашу осы сағаттың тілі 00.00-ді көрсеткенде болады. Сағаттың аумағы көз тартады және қысқы демалысқа таптырмас жер. Елорда тұрғындары мен қонақтарына мұз төбешіктер және 8000 шаршы метр болатын сырғанақ орнатылды», – деп хабарлады мәдениет, мұрағаттар және құжаттама басқармасы.
Айта кетейік, Есіл өзенінде орнатылған жаңажылдық сағат әлемдегі ең үлкені болуы мүмкін. Манхэттеннің жанында (Нью-Джерси штаты, АҚШ) Гудзон өзенінде орнатылған баршаға танымал Colgate сағатының диаметрі 15,24 метрді құрайды.