Синоптиктер 29-31 желтоқсан күндеріне арналған ауа райы болжамын жария етті, - деп хабарлайды «Қазгидромет» РМК.
29-31желтоқсанда облыстардың көбінде қар жауып, боран соғып, батыс желі 15-20 м/с дейін күшейеді. Бірақ, ауа температурасы нормадан 2-5 градус жоғары болады. Жұрт ойлағандай қатты аяз болмайды. Оңтүстік және оңтүстік-шығыс облыстарда, оңтүстік циклонның ықпалынан қар және сулы қар түріндегі жауын-шашын түсіп, соған орай көктайғақ пен тұман күтіледі.
Айта кетейік, жаңа жыл түніне және мерекелік күндерге арналған ауа-райы болжамын синоптиктер 30 желтоқсанда хабарлайды.