Бүгін Франция астанасы Парижде маусымның алғашқы дзюдодан «Grand Slam» турнирі басталды, деп хабарлайды ҚазАқпарат.
«Grand Slam» турниріне Қазақстан сапынан 5 спортшы қатысады. Бірінші күні 60 келіде Асхат Тельманов алғашқы айналымда словениялық Трбовц Матьяжбен белдессе, Ғұсман Қырғызбаев жарысқа 1/16 финалында қосылады.
66 келіде Мейіржан Қалтаев Шмит Томмен кездессе, Әбілхайыр Мәулен жеребе бойынша татамиге 1/16 финалда шығады. Елдос Жұмаханов 73 келіде ел намысын қорғайтын болады.