26 ақпанда Қытайда бокс кеші өтеді. Бұл кештің басты жекпе-жегінде қандасымыз Елхат "Қазақ жауынгері" Нығметолла тайландтық боксшымен жұдырықтасады. Бұл туралы vesti.kz хабарлады.
Кәсіпқой бокста 23 жастағы Елхат сегіз рет шаршы алаңғы шығып, бәрінде жеңіске жетті. Осы кеште оның қарсыласы 29 жастағы тайландтық боксшы Анукул Промкамсав (14-9, 6КО) болады. Аса жеңіл салмақтағы (118 фунтқа дейін - 53,5 килограмм) өтетін бұл кездесу алты раундқа созылады.
Айта кетейік, Елхат Нығметолла белгілі боксшы Қанат Исламның жерлесі. Қос спортшы да Алтай жерінде дүниеге келген.