Электронды кітап саудасы төмендеп, қағаз кітаптың сатылымы артты. Бұл туралы Nielsen сараптамалық компаниясы жүргізген зерттеу нәтижесінде белгілі болды, деп жазады The Guardian. Басылымның хабарлауынша, электронды кітапқа деген сұраныс өткен жылмен салыстырғанда 4 пайызға төмендеген. Ал қағаз кітаптардың саудасы 7 пайызға артқан.
Мысалы, 2016 жылы Ұлыбританияда 360 млн кітап сатылған. Сонымен қатар кітап сатып алуға жұмсалған қаражат 2015 жылмен салыстырғанда 100 млн фунтқа артқан.
Ұйымның баяндамасында қағаз кітаптарға деген қызығушылық әлемге танымал кітаптардың шығуына байланысты арта түскендігі айтылған. Сонымен қатар зерттеу нәтижесінде белгілі болғандай, электронды кітапты оқуда ең көп қолданылатын құралдар қатарында ұялы телефондар мен планшеттер көш бастаған.