2017 жылғы қаңтарда Қазақстан Республикасында 61 394 жеңіл автокөлік тіркелді. Бұл туралы ҚР Ұлттық экономика министрлігінің Статистика комитеті хабарлады.
«2017 жылғы қаңтарда Қазақстан Республикасында 61 394 жеңіл автомобиль тіркеліп, өткен жылғы тиісті аймен салыстырғанда 26,6 пайызға артты. Қазақстан Республикасында 2017 жылғы 1 ақпандағы жағдай бойынша тіркелген жеңіл автомобильдердің саны 3840,8 мың бірлікті құрады», - делінген хабарламада.
Статистика комитетінің хабарлауынша, қаңтар айында 1046 жол-көлік оқиғасы тіркеліп, одан 1 480 адам зардап шеккен. Бұл көрсеткіш өткен жылғы тиісті аймен салыстырғанда 6,7 пайызға төмен.