Қазақстанда жасалған Infogram мобильді қосымшасы АҚШ пен Ұлыбританияда кеше іске қосылды, деп жазады BNews.kz.
Бұрын бұл қосымша ТМД елдері мен Кипрде іске қосылған. Наурыздың соңына дейін Үндістан, Гонконг пен Сингапурда қолжетімді болмақ.
Infogram мобильді қосымшасы 2016 жылдың 1 қыркүйегінде пайда болған еді. Қазіргі таңда қосымшаның 100 мыңнан астам қолданушысы бар.
Қосымшаның барлық аппараттық кешені Алматыдағы серверде орналасқан.
Infogram қосымшасы мобильді телефон экранындағы ақпараттық графика. Оның көмегімен нақты уақыт бойынша пайдалы ақпараттар ала алады.