Барак Обаманың президенттік қызметі 2017 жылы 20 қаңтарда бітеді. Содан кейін ол немен айналысады? Қайда барады? Бұл туралы АҚШ-тағы президенттік сайлау тақырыбы көтерілген сәттен бастап-ақ әлем басылымдары жарыса жазып, сарапшылар да түрлі болжамдар жасауда.
Енді, міне, Барак Обама отбасымен Ақ үйден кеткенде қайда тұратыны белгілі болды, деп хабарлады Business Insider порталы. Басылымның айтуынша, 9 бөлмелі бұл үй 1928 жылы салынған. Қазір ол 5,3 миллион доллар тұрады. Осыған дейін мұнда Билл Клинтонның баспасөз хатшысы болған Джо Локхарт тұрыпты.