Астанада жаңбыр аралас қар жауып, көктайғақ орын алды. Коммуналдық қызметтер күшейтілген режимде жұмыс істеуде. «Астана Тазалық» ЖШС-інің мәліметінше, бір тәулік ішінде қар жинауға 2525 жұмыскер шығып, 1572 техника тартылған, деп хабарлады Астана қаласы әкімдігінің баспасөз қызметі.
Көктайғаққа қарсы 55 тонн реагент себіліп, 485 текше метр құм-тұз қоспасы пайдаланылды. Жексенбі күні қала аумағынан 19 249 текше метр қар шығарылған.
Алдағы екі күнде ауа райы өзгермейді. Желдің екпіні секундына 15-20 метрге жетеді. Ауа температурасы күндіз -7-9 градус суық болады. Елордада қар тазалау жұмыстары жалғасуда. Дүйсенбі күні таңертең 2478 жол жұмыскері мен 1086 техника шықты.