Универсиаданың «Қанатыңды кең қақ!» деген ұраны жас спортшыларды ересектер спортының шыңдарына шығуға жігерлендіреді.
Универсиаданың кез келген логотипінде FISU-дың қамқорлығымен өтетін кез келген спорттық шараның фирмалық символикасының міндетті элементі болып табылатын U латын әрпінің бейнесі тұрады.
Қысқы Универсиада-2017 логотипі стильденген қанаттар түрінде бейнеленген және анық көрсетілген серпінді пішіні бар: солдан оңға қарай жоғары. Ол – дамудың, сондай-ақ шыңдарды бағындырудың белгісі.
Қысқы Универсиада-2017-нің бойтұмары болып жылдамдық пен көкке асқақтауды, жеңілдікті, қуатты және жеңіске құштарлықты – нағыз жас спортшыларға тән қасиеттерді бейнелейтін қазақ даласының ерікті және қайратты мекендеушісі жас сұңқар таңдалған.
Универсиаданың медальдары классикалық стильде алтын, күміс және қолаға ұқсайтын металдар қорытпасынан жасалған. Ол Қазақстан Теңге сарайында шеку тәсілімен, түрлі-түсті эмаль қолданып дайындалған. Муар лентасына Универсиаданың логотипі қондырылған. Медальдың бет жағында FISU-дің (Халықаралық студенттік спорт федерациясы) логотипі мен Ойындардың атауы және өтетін орны бейнеленген. Сырт жағында Универсиаданың логотипі тұр.