ҚР ІІМ ТЖК сайтында еліміздің өңірлеріндегі жолдардың жабылуына қатысты ақпарат жаңартылды. Қазіргі уақытта үш жолда көліктер қозғалысына шектеу қойылған, деп хабарлады ҚазАқпарат.
Шығыс Қазақстан облысында 5 желтоқсан күні сағат 13:15-тен бастап ауа райының бұзылуына байланысты (қарлы бұрқасын) респбуликалық маңызы бар «Алматы-Өскемен» жолында (971-1047 шақырымы аралығы, Қалбатау кентінен Ұлан ауылына дейін) қоғамдық және жүк көліктерінің қозғалысы шектелді.
6 желтоқсанда сағат 20:00-ден бастап күн райының бұзылуына байланысты (боран, жолдың көрінбеуі) облыстық деңгейдегі «Күршім-Қалжыр» (0-131 шақырымы) жолында барлық көліктердің жүруіне тыйым салынды.
Қызылорда облысында 6 желтоқсанда сағат 12:30-дан бастап жолды су басып кетуі салдарынан облыстық деңгейдегі «Жалағаш-Жосалы» автожолында барлық көліктердің қозғалысы шектелді.