Қазақстан аумағы арқылы үлкен жылдамдықпен атмосфералық фронттар жылжып жатыр. Сондықтан елімізде жауын-шашын, бұрқасын, қатты жел, тұман мен көктайғақ орын алып, қолайсыз ауа райы сақталады. Бұл туралы 8-10 желтоқсан аралығына арналған ауа райы болжамында «Қазгидромет» хабарлады.
Алдағы үш күнде ел аумағын суық ауа фронттары басады деп күтілуде.
Егер өткен күндері республикамызда ауа температурасы климаттық мағынадан 3-8º-қа кейбір уақыттары - 13º-қа жоғары болса, алдағы тәуліктерде ол төмендейді және нормадан 3-8º-қа төмен болады.