Қазақстан футбол федерациясы футболдан 2018 жылғы әлем чемпионатының іріктеу турниріндегі Қазақстан мен Дания құрамалары арасындағы ойынның билеттері онлайн-сатылымға шыққанын хабарлайды.
Билеттерді www.ticketon.kz, zakazbiletov.kz және www.kff.kz сайттарынан сатып алуға болады.
Ал, Орталық стадионның кассасында билеттер 25 мамырдан бастап сатылып жатыр.
Қазақстан-Дания мачты туралы қызықты деректер
Футболдан Қазақстан Ұлттық құрамасы 2018 жылғы әлем чемпионатының іріктеу турнирінде өз алаңында әлі ешбір құрамадан жеңілген жоқ. «Астана Арена» стадионында өткен екі ойын тең аяқталды - 2:2 (Польша) және 0:0 (Румыния).
Қазақстан Ұлттық құрамасы турнир кестесінде соңғы орында орналасқанымен 2018 жылғы әлем чемпионатына шығуға мүмкіндігі бар.
Ұлттық құрама ойыншылары екі жылдан кейін Алматының Орталық стадионында қайта ойнамақ. Бұл алаңда футболшыларымыз соңғы ойынын 2015 жылы Түркия құрамасына қарсы өткізіп, 0-1 есебімен ұтылған. Алдағы ойында Дания құрамасының көшбасшысы - Кристиан Эриксен. Ол 2010 жылы Оңтүстік Африка Республикасында өткен Әлем Чемпионатында ең жас ойыншы атанды.