Бірер сағаттан кейін, шамамен кешкі сағат 20:00-де EXPO-2017 халықаралық көрмесінің ресми ашылу салтанаты басталады.
Салтанатты шара «Қазақстан» телеарнасында, Амфитеатр мен Конгресс-орталықта орналасқан экрандардан тікелей эфирде көрсетіледі. Көрменің ашылу рәсімінің алдында түрлі мемлекеттер басшылары «Нұр-Әлем» павильонына келуге тиіс.
Президенттер қазақстандық павильонды аралап, экспозицияларын тамашалайды. 20:00-де президенттер Конгресс-орталыққа келгеннен кейін кері санау рәсімі өтіп, салтанатты көрме ашылды деп жарияланады. «Нұр-Әлем» павильонында лазерлік шоу мен дрондар биі басталады. Халықаралық көрменің ашылу салтанатына арналған шаралар түн ортасынан ауа аяқталады.
Арнұр АСҚАР, «Егемен Қазақстан»
Суретке түсірген
Ерлан ОМАРОВ, «Егемен Қазақстан»