Маңғыстау облысының әкімі Е.Тоғжанов Олимпиада ойныдарының екі дүркін күміс жүлдегері, боксшы Әділбек Ниязымбетовке Рио-де-Жанейрода өткен Олимпиадада күміс жүлдегер болуына орай Ақтау қаласындағы «Green Park» тұрғын үй кешенінен екі бөлмелі пәтер сыйлады.
Сондай-ақ, Әділбек пен оның жаттықтырушысы М.Жакиевке Toyota автокөлігінің кілтін табыстады. Пәтер Мемлекет басшысы Н.Назарбаевтың тасырмасы негізінде берілсе, автокөлік жергілікті әкімдіктің сыйлығы. Олимпиадаға қатысқан тағы бір боксшы Б.Әбдірахмановқа 5 млн. теңгенің сертификаты берілді.
Маңғыстау облысының Спорт басқармасы Ә.Ниязымбетовтің құрметіне қазақы ою-өрнектермен нақышталып, балаларға арналып тігілген «Adok» спорттық киім үлгілерімен таныстырды. Қазақстандық бренд танылған аталмыш спорттық киім EXPO-2017 көрмесінде таныстырылатын болады.
Гүлайым ШЫНТЕМІРҚЫЗЫ,
«Егемен Қазақстан»