Білімді бәрінен биік қоятын ұлт табысқа жетеді

Оқыту жүйесін жаңғырту арқылы қойылатын мүдде – жоғары кә­сіби және интеллектуалды дең­гей­дегі мамандарды дайындау­мен қажеттілігі артып жатқан еңбек нарығын қанағаттандыру. Кредиттік технологияның негізгі басымдықтарын жүзеге асыру мақсатында енді студенттер тек қана таңдау пәндерін ғана емес, сонымен қатар оқытушыларды да таңдай алады, бұл – өз кезегінде, педагогтардың  имиджін көтеруіне тиісті жағдай жасайды. Университетімізде оқу үрді­сін ұйымдастыру оқытудың кре­диттік технологиясы бойынша жүр­гізіледі. Бұл мақсатта барлық  мамандық бойынша (85 бакалавр, 63 магистратура және 14 PhD докторантурасы) Модульді білім беру бағдарламалары дайындалып, білім алушылардың қажетті білім алуына, икемділігіне, біліктілігіне және құзыреттілігіне құрылған.  Сонымен қатар, уни­вер­ситетімізде 2014-2015 оқу жылы­нан бастап дуальды білім беру жүйесі бойынша оқу үрдісі ұйымдастырылған. Қазіргі таңда 5 бакалавр мамандығы  дуальды білім беру жүйесімен оқытылуда. Стратегиялық жоспарға  сәйкес,  2020 жылға дейін дуальды білім беру жүйесімен оқытылатын мамандықтар санын 20-ға жеткізу көзделген.   Елбасы мақаласында «Табысты болудың ең іргелі, басты факторы білім екенін әркім терең түсінуі керек. Жастарымыз басымдық беретін межелердің қатарында білім әрдайым бірінші орында тұруы шарт. Себебі, құндылықтар жүйесінде білімді бәрінен биік қоятын ұлт қана табысқа жете­ді», деп  атап айтты. Тым терең­нен тамыр тартқан қазақ тілін бір­тіндеп латын әліпбиіне көшіру, ағыл­шын тілін жаппай және жедел үйрену  − жаһандық әлемге ер­кін кірігіп, жұмыс істеудің бас­ты шарты екендігін жеткізді. Мемлекет басшысының алға  қойған мәселелеріне сәйкес, 2011-2020 жылдарға арналған Білімді дамытудың мемлекеттік бағдарламасы білім беру саласында стратегиялық басымдықтарды анықтайды. Бағдарлама жалпы білім беретін мектептерде оқушыларға көптілді білім беруді дамытудың маңыздылығына педагогтардың назарын аудартады. Көптілділік бірнеше шет тілін меңгеріп қана қоймай, көптілді құзыреттілікке ие мәдениетті тұлғаның қалыптасуының негізі ретінде қарастырылады. М.Әуезов атындағы ОҚМУ-да бакала­вриат мамандықтары бойынша білім алатын студенттер үшін ағылшын тілінде пәндерді оқыту 2005-2006 оқу жылынан бері жүргізіліп келеді.   Ағымдағы оқу жылында пән­дерді шет тілінде оқыту  11 фа­культетте жүргізілді және педа­гогикалық, инженер-техни­калық және жаратылыстану-ғылыми бағыттағы 30 мамандық бо­йынша 600 студентті қамтитын 70 арнайы топ құрылды. 20 педагогикалық мамандықтарда 2016-2017 оқу жы­лынан бастап үш тілдік білім беру жүйесі енгізілді. Пән­дерді ағылшын тілінде жүргізетін оқы­тушылар, тілдік дең­гейін анық­тау мақсатында ака­де­миялық мәселелер жөніндегі де­пар­­та­менттің  шет тілдерінде білім бе­ру сапасын қамтамасыз етуді ұй­ым­дас­тыру және бақылау бөлімінің қызметкерлерінен тестілеу мен әңгімелесуден өтіп, ағыл­шын тілінде сабақ жүргізуге рұқсат алады. Ағылшын тілінде сабақ жүргізуге IELTS, TOEFL сертификаттары бар немесе Intermediate деңгейін меңгергені ту­ралы сертификаттары бар ОПҚ жіберіледі және жылдық жүкте­ме­лері 1:2 қатынаста дифференцияланады.  Тілдік пәндер бойынша отандық оқулықтар мен оқу-әдістемелік кешендер әзірленуде. Педагогикалық мамандықтардың бейіндік пәндері бойынша шет ел оқулықтарына бейімдеу жүргізілуде. Жоғары мектеп үшін мемлекеттік және ағылшын тілдерінде оқулықтар әзірленіп, аударылып, баспадан шығарылуда. 2015-2020 жылдарға арналған үш тілді білім беруді дамыту жол картасында «Үш тілді білім беруді тиімді енгізу үшін педагогикалық кадрларды даярлау және қайта даярлау» жүйесін жетілдіруге ерекше көңіл бөлінген. Сонымен қатар, үш тілді білім беруді дамыту жол картасы негізінде жасалған жоспарға сәйкес университетте ағылшын топтарына сабақ беретін ОПҚ-ның сатылы түрде  біліктілігін арттыру жұмыстары жүргізілуде.  М.Әуезов атындағы Оңтүс­тік Қазақстан мемлекеттік уни­вер­ситетінің профессор-оқы­ту­шылар құрамы болашақ жас ма­ман­дарды дайындауда жастарды тәрбиелеп,  білім беруде атқарып жатқан еңбектері орасан зор. Ұстаздарымыздың аянбай еңбек етуінің арқасында, университет түлектері Қазақстанның  барлық аймақтарында еңбек етіп келеді және үлкен сұраныстарға ие. Елбасы Мәңгілік Елге бас­тайтын, абыройлы әрі мәртебелі жолды жалғастыратын жастарға, зор сенім артып отыр. Өйткені, Отанымыздың болашағын баянды етіп, аға буын салып кеткен сара жолды жалғастыратын – жас­тар! Сондықтан, әлемнің дамыған елдер қатарына ену жолында аянбай еңбек етіп, Қазақ елін төрткүл дүниеге таныту – тікелей жастардың қолында. Жас буын өкілдеріне арналған мемлекеттік бағдарламалар сәтті жүзеге асуда. Соңғы жылдары жоғары білім алуға берілетін гранттар саны ұлғайтылып, мемлекеттік «Бо­лашақ» бағдарламасы аясында жас қазақ­стандықтар әлемнің таңдаулы оқу орындарында озық білім алуда. Қазіргі таңда еліміздегі мемлекеттік бағдарламаларды жүзеге асырушы да, жемісін кө­руші де –  жастар. Сондықтан, жас­тар өздеріне артылып жатқан се­німді үлкен жауапкершілікпен ақ­тауға міндетті. Елбасының жас­тар саясатының  дамуын нақ­ты­лай түскені – жастарға үлкен сенім артқаны деп қабыл­дай­мыз. Мерейлі істердің берекелі бастауы белгіленген тарихи құжатта ұлттық идеяның тұғыры айқындалып, қазақ тілінің мәңгілік тіл екендігі айтылды. Дәл осы «Мәңгілік Ел» ұғымы ұлтты ұйыстырып, болашаққа бет алған бағдарымыздың дұрыстығына кепіл бола алады. 

Қанат БАЙБОЛОВ,  М.Әуезов атындағы ОҚМУ-дің  оқу ісі және ақпараттық технологиялар ісі жөніндегі проректоры