9 шілде күні ЭКСПО-2017 халықаралық көрмесі аумағында Астананың мәдени күндері ұйымдастырылады. Көрменің бас сахна – амфитеатрда елордалық шығармашылық ұжымдардың және барлық әртістердің қатысуымен «Астана ырғағы» («Ритмы Астаны») концерті өтеді.
Қазіргі заманғы музыка фестивалі аясында басты мәдени оқиғалар, Астанада жасалған және оның танымдық белгісіне айналған ең жарқын шоулардан үзінділер көрсетілмек. Шара барысында заманауи эстрада өнері мен халық шығармашылығы көпшілік назарына ұсынылады. Концертте диджейлер эстрадалық-симфониялық оркестрмен, фольклорлық ансамбльмен бірге композициялар орындайтын болады.
Асхат Райқұл «Егемен Қазақстан»