Сенбі күні Үкімет үйінде Қазақстан Республикасы Премьер-Министрі Бақытжан Сағынтаев цифрлық экономика мәселелері жөнінде кеңес өткізді, деп хабарлады Премьер-министрдің баспасөз қызметі.
Кеңес барысында «Цифрлық Қазақстан» мемлекеттік бағдарламасының жобасында ұсынылған экономиканы цифрландыру бойынша тәсілдер талқыланды, сондай-ақ оптикалық-талшықты инфрақұрылымға жаппай қолжетімділікті қамтамасыз ету және ІТ-салаға арналған білікті кадрлар даярлау мәселелері қаралды.