«Қорғас» – қос елдің серіктестік көпірі

«Қорғас» ХШЫО» АҚ президенті Қ.Джазиннің айтуынша, бұл жоба көп форматты трансшекаралық ынты­мақ­тастықтың табысты ат­қа­рылып жатқандығын аң­ғар­тады. Ор­талық саяси, сау­да-эко­но­ми­калық, ғы­лыми-тех­ни­ка­лық, гуманитарлық-мә­дени са­ла­лар­дағы тиімді ынты­мақ­тас­тықты дамытудың зор әле­у­етіне ие. Екі ел шектесетін шека­ра­лық өңірде ынты­мақ­тастық аймағын ашу бастамашылық идея­сы Қазақстан Пре­зи­­дентінің 2002 жылғы жел­тоқсанда Қытайға сапары барысында туындаған болатын. Сол кезде жаңа фор­маттағы өзара тиімді сауда-сат­тық пен инвестициялық ынты­мақ­­тастықтың алғы шарттары жа­салған еді. «Қазіргі таңда «Қорғас» көпсалалы хаб ретінде та­нымал. Оның құрамында темір жол, автожол өткелдері, әуе тасымалы, газ құбыры, туристік саяхат мүмкіндіктері қарастырылған. «Қорғас – Шығыс қақпасы» АЭА жедел құрылысымен бірге «Нұрлы жол» бағдарламасы «Жібек жолы экономикалық белдеуі» тұжырымдамасы бірлескен түрде жүзеге асырылуда. Біз бірлескен жобаларды атқара отырып, өза­ра қолдасып, инновациялық және мәдени дамуды, өр­кендеуді қамтамасыз етуді мақсат етеміз», дейді Қорғас қаласының мэрі Мурал Әбілмәжин. Басқосуда қатысушылар «Қорғас» ХШЫО» өнеркәсіп және көліктік әлеуетімен танысты. Дәстүрге айналған Қазақстан – Қытай тұсаукесер рә­сі­мі бірқатар тұрақты инвес­торлар мен кәсіпкерлердің назарын ау­дарды.