Ұлттық ұланның Семейдегі 5511-әскери бөлімінің қатарына Оңтүстік Қазақстан, Алматы және Жамбыл облыстарынан келген 200 жас сарбаз келіп қосылды.
Жас жауынгерлердің ант беру салтанаты Семей қаласының орталық алаңында өтті. Қала әкімі Ермак Сәлімов, Ұлттық ұланның «Шығыс» өңірлік қолбасшылығы қолбасшысының тәрбие ісі және әскери-құқықтық жұмыс жөніндегі орынбасары, полковник Ниязтай Алкешев және ардагерлер жастарға сәттілік тілеп, Отанға адал қызмет етуге шақырды. Салтанатты шара барысында Ұлттық ұланның жас сарбаздары Калашников автоматымен түрлі жаттығулар, тәсілдер көрсетті. Әскери ант беру, бұл – әрбір жауынгердің Ата Заң алдындағы міндетін орындап, Елбасына адал қызмет етіп, Отан қорғауға даяр екендігін білдіру болып табылады.
Раушан НҰҒМАНБЕКОВА, журналист
Суретті түсірген автор
СЕМЕЙ