Астанадағы қонақүйлер жалдау құнын бір айдың ішінде 24 пайызға қымбаттатыпты. «Еnergyprom.kz» ғаламтор көзінің мәліметінше, туристерді күтуші қонақүйлер, отельдер мен басқа да орындар саны жазғы маусымда 19 пайызға өссе, жекелеген нөмірлер саны 15 пайызға артқан.
Маусым айының қорытындысы бойынша, еліміздің басқа да ірі қалалары мен мегаполистерінің арасында Астанада қонақүйде тұру құны қатты жоғарылағаны байқалды. Мәселен, мамырда +23,8 пайызға, жылдан жылға +26,6 пайызға, тәулігіне 12,12 мың теңгеге көтерілген. Салыстырмалы түрде айтсақ, жалпы елдегі бағаның өсуі бір айда +2,1 пайызды және бір жылда +4,4 пайызды құрайды.