Кеше Үкімет үйінде Премьер-Министр Бақытжан Сағынтаев Канаданың Қазақстан Республикасындағы Төтенше және өкілетті елшісі Шон Стайлмен кездесу өткізді, деп хабарлады Премьер-Министрдің баспасөз қызметі.
Тараптар кездесу барысында екіжақты ынтымақтастықтың көптеген мәселелерін, солардың ішінде, іскерлік серіктестікті одан әрі дамыту, Қазақстан-Канада Іскерлік кеңесін өткізу, сауда-инвестициялық байланыстарды нығайту мен әртараптандыру, сондай-ақ, мәдени-гуманитарлық қатынастарды нығайту мәселелерін талқылады.
Бұдан өзге, визалық режімді жеңілдету, өзара туристер ағынын ұлғайту және қазақстандық балаларды хоккейге үйретудің қазақстандық-канадалық қанатқақты бағдарламасын іске асыру мәселелері талқыланды.