Қалалық сайыстарда мешіттерінің жақсы атын шығару үшін жарыс жолына түскен 10 команда әл-Фараби атындағы Қазақ ұлттық университетінің футбол алаңына жиналды. Оның бесеуі «Төле би», қалған бесеуі «Муззамиль» мешітінің ұжымдары болды.
Жарыс жолында 10 ұпай жинаған «Қара тамыр» командасы бірінші орын алып, «Төле би» мешітінің абыройын қорғайтын болды. Екінші орынды «Аңсар» ойыншылары иемденсе, «Арман» футболшылары 6 ұпай жинап, қоланы қанағат тұтты.
Ал «Муззамиль» мешітінің өкілдері арасында «Салих», «Спарта» және «Дружба-1» командалары 9 ұпайдан қанжығаға байлап, жүлделі орындарды жеке кездесулері арқылы бөліп алды.
Айтқандай, «Асыл мұра» бағдарламасы аясында өткен футбол турнирі 7 шілде күні ашылып, Алматы қаласының мешітке келуші жамағаттары арасындағы бұқаралық спортты дамытуға негізделген.
Алдыңғы аптада бастау алған футбол лигасына қалада орналасқан 48 мешіттің өкілдері өзара мықтыны анықтап, қалалық турнирде жолығатын болады.
Айнаш ЕСАЛИ, «Егемен Қазақстан»
АЛМАТЫ