Турнирде Қазақстан, Ресей, Италия, Германия, Португалия құрама командалары мен әлем құрамасы ойнайды. Сонымен қатар Дино Баджо, Марко Дельвеккио, Нуну Манише, Жан-Пьер Папен, Роман Широков, Валерий Карпин, Александр Филимонов сынды әлемдік футболдың ардагер жұлдыздары өнер көрсетеді.
Осы жаздың ең басты спорттық шараларының бірі саналатын турнир билеттерін халықаралық көрме кассаларынан немесе ресми сайты арқылы сатып алуға болады екен. Екі жасқа дейінгі балалар үшін кіру – тегін. «tickets.expo2017astana.com» сайты арқылы онлайн билет сатып алу үшін «Мәдени бағдарлама» тармағына, оның ішінде стадионның уақыты мен секторына кіру керек.
Ұйымдастырушылардың дерегінше, билеті бар адамдарға орын таңдау еркіндігі беріледі. Сондықтан, ең жайлы орындарды таңдап алу үшін ертерек баруға тура келеді.
Асхат Райқұл,
"Егемен Қазақстан"