Айтпақшы, алғашқы екі матчтан кейін «EXPO 2017 Football Cup» турнирі салтанатты түрде ресми ашылып, ары қарай үшінші матч Қазақстан құрамасы мен Әлем құрамасының бәсекесімен басталған.
Әу біссіміллә, Андрей Богомолов 3-минутта қарсыластың қақпасына бір гол салып жіберген еді. Алайда, Эрнан Креспо 5-минутта-ақ есепті теңестіріп тастады. 7-минутта тағы гол. Қазақстан құрамасынан Андрей Финонченко соқты. Оған қарымта Әлем құрамасынан Азамат Әбдірайымовтан болды. Есеп тағы теңесті.
Осылайша кезек алмасқан голдар кездесу соңына қарай қарсы жаққа ауып, нәтиже 7:4 есебімен аяқталды.
«EXPO 2017 Football Cup» турнирінің бірінші матчы Қазақстан мен Германия құрамаларының арасында, екінші матчы Италия мен Ресей құрамалары арасында өтіп, Отандастарымыз германиялықтарды 8:6 есебімен жеңсе, ресейліктер италия құрамасын 9:3 есебімен тізе бүктірген болатын.