Орынборлық оқушылар елорданы тамашалады

Орынборлық жеткін­шек­тер­дің сапары Ресей Федерация­сының Білім және ғылым ми­нистрлігі мен Ақтөбе облы­сының әкімдігі арасындағы өзара ынтымақтастық туралы меморандумды жүзеге асыру аясында ұйымдастырылған. Балалар елордадан оралған соң Ақтөбе қаласына экскурсия жасап, қаланың тарихы туралы деректерге қанықты. Тахауи Ахтанов атындағы об­лыс­тық драма театрында, Әлия Мол­дағұлова атындағы мемориалды кешенде, Тұңғыш Президент атындағы саябақтағы сулы-жасыл бульварда болды. Ресейлік тарап өткен жаз айларында ақтөбелік балаларды қарсы алған болатын. Бүгінде Орынбор облысын­дағы «Күншуақ елі» балаларды сауықтыру лагерінен 20 ақтө­белік жасөспірім оралды. Тамыз айының 2-сі мен 15-і аралығындағы кезеңге бару үшін өңірдегі дарынды бала­лар­дың төртінші тобы дайындалуда.