Маңғыстау – небір тамаша, талантты өнер иелерін өсірген өлке. Әттең, солардың ішінде өмірден ертерек озғандары да бар. Олар Маңғыстаудың тұңғыш кәсіби дирижері Боздақ Рзаханов пен әйгілі әнші, тарихшы-шежіреші Ізбасар Шыртанов еді. Жерлестері асыл азаматтарын өткен аптада еске алды. Еске алғанда Б.Рзаханов атындағы «Сиқырлы таяқша» атты республикалық дирижерлер байқауы мен І.Шыртанов атындағы облыстық фольклорлық ансамбльдер мен жеке орындаушылар байқауын дүркіретіп өткізді. Байқаулар нәтижесінде дирижерлер арасында бас жүлдеге оралдық Еркін Нұрымбетов, ал фольклорлық ансамбльдер арасында бас жүлдеге Жаңаөзен қаласының «Домбыра сазы» ансамблі ие болды.
Өлке өнерінің өрісін кеңейтіп, халқына, кейінгі ұрпаққа өшпес мұра қалдырған асылдарын ардақтаған азаматтарға алғыстан бөтен айтар сөз бар ма?
Жоламан БОШАЛАҚ.
Ақтау.