Астанада автокөлік жолдарын орташа жөндеу шеңберінде Алаш тас жолынан бастап Өндіріс тас жолына дейінгі учаскедегі Солтүстік айналым жолы бойынша жөндеу жұмыстарын бастау жоспарланып отыр. Бұл туралы қалалық әкімдіктің баспасөз қызметі хабарлады.
Осыған байланысты, ағымдағы жылдың тамыз айының 14-нен бастап 20-на дейін көрсетілген учаскеде автокөліктердің қозғалысы жабылатын болады.
Қала басшылығы елорда тұрғындары мен қонақтарынан кептеліс тудырмау үшін жол қозғалысы бағыттарын алдын ала жоспарлауды сұрайды.