Қазақстанның Сыртқы істер министрі Қайрат Әбдірахманов Өзбекстанның сыртқы саясат ведомствосы басшысының орынбасары Саидикрам Ниязходжаевты қабылдады.
Тараптар Қазақстан мен Өзбекстан арасындағы ынтымақтастықты дамытудың өзекті мәселелерін, соның ішінде ағымдағы жылдың наурыз айында Өзбекстан Президенті Шавкат Мирзиёевтің Қазақстанға мемлекеттік сапарының қорытындылары бойынша қол жеткізілген екі ел көшбасшыларының уағдаластықтарын іске асыру барысын талқылады.
С.Ниязходжаев Өзбекстан елшілігінің Алматыдан Астанаға көшуі жөнінде қабылданған шешім және дипломатиялық өкілдік ғимараты кешенінің құрылысы басталғаны туралы хабарлады.
Кездесуде сондай-ақ алдағы түрлі деңгейдегі екіжақты байланыстардың және Орталық Азиядағы халықаралық іс-шаралардың кестесі қарастырылды.