НАТО Парламенттік Ассамблеясының жақында Бухаресте (Румыния) аяқталған жыл сайынғы 57- сессиясында халықаралық қауіпсіздік мәселелері сөз болды, деп хабарлады Қазақстан Республикасының Парламенті Сенатының баспасөз қызметі.
Кибер қылмыстармен, биологиялық және химиялық қатерлермен, ресурстар зәрулігімен күрес тақырыбы бойынша пікірсайыстарға Қазақстан Парламентінің депутаттары Рашит Ахметов пен Сәт Тоқпақбаев қатысты.
Төрт арнайы комитеттің отырыстарында НАТО бағдарламаларын іске асыру, әскери-техникалық қамтамасыз ету және Альянстың бюджет стратегиясы мәселелеріне назар аударылды. Ауғанстандағы өтпелі кезеңде қауіпсіздікті қамтамасыз етудегі НАТО-ның рөліне де ерекше көңіл бөлінді.