Бүгін Абай ауданында əйгілі жазушы Мұхтар Əуезовтің 120 жылдық мерейтойына орай бірқатар іс-шаралар ұйымдастырылады деп жоспарланған.
Қаламгер мерейтойына арналған шаралардың легі "Дала данышпаны - Құнанбай" атты жинақтың тұсаукесерінен басталды. "Бұл жинақта құдіретті Құнанбай туралы естеліктер топтастырылған. Бабамыздың айтқан ұлағатты сөздері де кітапқа енді", - дейді осы жинақты құрастырушы Əсет Мырзақасым. Мерейтой аясында дара тұлға, дала данышпаны Құнанбай Өскенбайұлының ескерткіші ашылып, Қарауыл ауылында стадион пайдалануға беріліп, ұлттық спорт түрлерінен сайыстар өтетін болады.
Азамат ҚАСЫМ, "Егемен Қазақстан"
Шығыс Қазақстан облысы, Абай ауданы.
Суретті түсірген автор