Биылғы жылдың көктемінде халықаралық ЮНИСЕФ Балалар қоры мен «Құқықтық медиа-центр» орталығының ұйымдастыруымен балалар мәселесін көтерген журналистер арасында байқау жарияланған болатын.
Жуырда аталмыш байқаудың қорытындысы шығарылып, баспасөз беттерінде жарияланған 200-ден астам мақала мен теле-радио бағдарламалар арасынан үздік деп танылған материалдар анықталды.
«Баспасөздегі үздік мақала» номинациясы бойынша «Егемен Қазақстанның» тұрақты авторы Шарафат Жылқыбаева газетте жарияланған мақалалары үшін ЮНИСЕФ-тің арнайы медалымен марапатталды. Біз әріптесімізді жүлдесімен құттықтай отырып, шығармашылық жетістіктер тілейміз.
«Егемен Қазақстан» ұжымы