2018 жылы Астана - Вильнюс, Алматы - Рига, Астана - Бухарест жаңа әуе рейстері ашылады, деп хабарлайды Азаматтық авиация комитеті.
«ТрансЕуразия-2017» Х халықаралық конференция аясында Азаматтық авиация комитеті жаңа әуе тасымалдарын ашуға байланысты бірнеше кездесу өткізді. Атап айтқанда, SCAT отандық әуе компаниясы 2018 жылдың мамыр айында Астана – Вильнюс бағытында халықаралық рейсін ашуды жоспарлап отыр», - деп жазды комитеттің Facebook-тегі ресми парақшасы.
Сондай-ақ, Рига - Алматы, Астана - Бухарест бағытына да рейс ашылуы мүмкін.
«Air Baltic (Латвия) әуе компаниясы Рига – Алматы бағытына рейс ашуды жоспарлап отыр. Румыния елшілігінің ақпаратына сәйкес, «Таром» әуе тасымалдаушысы Астана-Бухарест рейсін ашуы мүмкін», - деп хабарлады Азаматтық авиация комитеті.