Кеше ҚР Парламенті Мәжілісінің Төрағасы Орал Мұхамеджановтың жетекшілігімен палата бюросының отырысы өтті. Онда алдағы аптада Мәжілістің жалпы отырысына шығарылатын мәселелер сарапқа салынды, деп хабарлады палатаның баспасөз қызметі.
Экономикалық реформа және өңірлік даму комитеті «Индустриялық-инновациялық қызметті мемлекеттік қолдау туралы» және соған сәйкес ілеспе заң жобасын бірінші оқылымда қарауды ұсынды. Ал Халықаралық істер, қорғаныс және қауіпсіздік комитетінің ұсынысымен «Материалдық емес мәдени мұраны қорғау туралы конвенцияны ратификациялау туралы» заң жобасы жалпы отырыстың күн тәртібіне енгізілетін болды.
Палатаның Заңнама және сот-құқықтық реформа кейбір заңнамалық актілерге зияткерлік меншік мәселелері бойынша толықтырулар енгізуді көздейтін заң жобасының екінші оқылымда депутаттар талқысына шығарылатынын хабарлады.