Семейде алдағы жылы «Менің аулам» атты арнайы бағдарлама іске қосылады.
Семей қаласының әкімі Ермак Сәлімовтің айтуынша, 2018 жылы қаладағы көп қабатты үйлердің кіреберіс жерлерін, аулаларды жөндеу үшін қалалық бюджеттен 61 миллион теңге қарастырылған. Бұл қаражат 50-ге тарта ауланы толық абаттандыруға жетеді. Қалада жалпы 600-ге жуық аула бар екен. Тұрғын үй-коммуналдық шаруашылық бөлімі әзірше 120 ауланы жөндеуге орай жоба-сметалық құжаттарды әзірлеп қойды. Ең алдымен аулаларға қарасты тұрғын үйлердің коммуналдық қарыздарының болмауына талап қойылады. Яғни ауланы көрікті ғып ұстаймын дегендер жылу мен жарыққа, суға қарыз болмауы қажет.
Раушан НҰҒМАНБЕК
Семей