Халықаралық мамандандырылған EXPO-2017 көрмесін өткізу құқығына Астана қаласының өтінімін жылжыту және ілгерілету жөніндегі ұлттық жобасы елордада өткен Қазақстан халқы Ассамблеясы өткізген Әлеуметтік жауапкершілік форумына қатысты.
«ЭКСПО-2017» жобасының және Қазақстан халқы Ассамблеясының ортақ мақсаты қоғамның ең жоғары дәрежеде бірігуін қалыптастыру және ұлттық бірлікке ұмтылу болып табылады. Сондықтан бұл көрме ұлттық ұйымдасудың біріктіруші өзегіне айналуы мүмкін. Біз «EXPO-2017» көрмесін Астана қаласында өткізу бастамасын толықтай қолдаймыз, дейді форумды ұйымдастырушылар. Форумда көпшілік назарына ұсынылған EXPO- 2017 стенді халықаралық мамандандырылған көрменің «Болашақ энергиясы» тақырыбын баяндайды. Сондай-ақ стендтен алдын-ала жүргізіліп жатқан үгіт-насихат науқаны, Астана қаласының 2017 жылы көрмеге қатысушы 100 елден келетін 5 млн. туристі қабылдау мүмкіндігі туралы да білуге болады. Ал арнайы «EXPO-2017 тілектер кітабында» кез келген адам өз тілегін жазып, жоба тарихында өз қолтаңбасын қалдыра алады.
«EXPO-2017» жобасының Қазақстан халқы Ассамблеясы өткізген Әлеуметтік жауапкершілік форумына қатысуы Қазақстан үшін өте маңызды боп саналатын мамандандырылған көрме ша-расына қоғамның барлық топтарының назарын аударуға мүмкіндік берді.
«EXPO-2017» көрмесін өткізу құқына ие болған ел 2012 жылдың аяғында Халықаралық көрме бюросының барлық 157 мүше-елдері қатысып, дауыс беруімен анықталады. Әзірше Астана, дәлірек айтсақ, бүкіл Қазақстан өз кандидатурасын қолдауға дауыстар жинау мақсатында жұмыстар жүргізу үстінде.
Венера ТҮГЕЛБАЙ.